I februar spikra vi dato for bryllaypet, i dialog med presten Erling Nydal som Guro har tilknytting til. Dato vert altså 04.august 2018.
«Hald av datoen»-kort er laga og sendt ut, kanskje litt i seinaste laget.
Vi har lyst å ha bryllaupet på Tungestølen. Det tykkjer også presten er bra 🙂
Vi stressar endå ikkje, men det er jo på tide å få avtalt bruk av området vi ynskjer å vere. Har vore i kontakt med kartverket for grunnbokutskrift, formann i grunneigarlaget, DNT Luster, DNT Oslo og omegn, og alle er positive. Imidlertid vert vi sendt litt rundt for å få gjort dei rette avtalane med dei rette folka. Håpet er å få låne området der DNT Oslo og omegn arrangerer BaseCamp, med god plass til telt og toalettfasiliteter.
Har også avtalt lån av ein heil del utstyr med Kaupanger Speidargruppe som Anders er med i. Det vil vise seg på sikt kva utstyr som skal lånast derfrå.
Det var det for no, så får vi prøve å skrive litt her i ny og ne framover.